Dette er en sak fra
Magasinet for fagorgansierte
Vi skriver om ansatte i store bransjer i privat sektor, blant annet industri, bygg, transport og hotell og restaurant.
Les mer fra oss
Lønnsoppgjeret
Brot i meklinga for byggfaga: 17.000 kan bli tatt ut i streik
Fellesforbundet braut den frivillige meklinga med BNL. Dersom dei ikkje blir einig i den tvungne meklinga, går medlemmene ut i streik måndag.
Annonse
JOBB
Onsdag begjærte Fellesforbundet brot i den frivillige meklinga med NHO-foreininga Byggenæringens Landsforening (BNL) om endringar i Fellesovereinskomsten for byggfaga.
Riksmeklaren har no kalla inn partane til tvungen mekling.
Dersom dei ikkje blir einige innan fristen midnatt natt til måndag, tar forbundet medlemmene sine ut i streik.
Annonse
Samleside: Vi følger lønnsoppgjøret - her får du de siste nyhetene
Det såkalla varselet om plassfråtreding omfattar nærmare 17.000 medlemmer i over 900 bedrifter i BNL eller med direkteavtale.
Her kan du sjå heile streikeuttaket:
Annonse
streikeuttak byggfaga
Ventar på frontfaget
Allereie ein dag etter at dei starta opp 6. august, braut Fellesforbundet forhandlingane. Heller ikkje med hjelp frå meklaren har dei komme til semje med arbeidsgivarane.
Annonse
– Det er ikkje så mykje meir å seie anna enn at vi treng å komme inn i ein meir aktiv fase, det skjer ikkje mykje i den frivillige meklinga, seier forbundssekretær og forhandlingsleiar Per Skau til Magasinet for fagorganiserte.
Fekk du med deg denne? Lønnsoppgjeret i byggebransjen: Dette står striden om
Då Fellesforbundet braut forhandlingane, sa han til Magasinet at det verka som BNL ikkje hadde reelle forhandlingsfullmakter frå NHO.
– Vi ventar på kva som skjer i frontfaget, sidan vi har dei same krava. Det har ikkje vore rørsle sidan vi braut forhandlingane, vi har berre hatt nokre samtaler, seier forhandlingsleiaren no.
Stiller sterkt
Frontfaget, lønnsoppgjeret i industrien, har frist natt til fredag. I begge oppgjera har forbundet valt å ta ut nesten alle medlemmer på overeinskomstane i ein eventuell streik.
– Kor stor er sjansen for streik i år?
– Det er alltid fare for streik. Vi er nøydd til å få eit resultat vi kan anbefale og som våre medlemmer vil stemme ja til. Der finst det ei smertegrense, svarer Skau.
Annonse
Les også: Desse industriarbeidarane kan bli tatt ut i streik fredag
– Vi konstanterer at Fellesforbundet har begjært meklinga avslutta. Vi er under meklers administrasjon, så eg har ikkje kommentarar utover det, seier forhandlingsleiar Siri Bergh i BNL til Magasinet.
