Dom slår fast at innleigde har rett på same bonusordning som fast tilsette

To tilsette i eit bemanningsbyrå kravde same bonus som dei fast tilsette og vann fram i tingretten.

Dei to Industri Energi-medlemmene var utleigd frå bemanningsbyrået til Aker BP, som har ei bonusordning for sine tilsette. Då dei innleigde kravde den same bonusen, avviste selskapet kravet. Illustrasjonsfoto.
Dei to Industri Energi-medlemmene var utleigd frå bemanningsbyrået til Aker BP, som har ei bonusordning for sine tilsette. Då dei innleigde kravde den same bonusen, avviste selskapet kravet. Illustrasjonsfoto.
TORMOD YTREHUS TORMOD YTREHUS tormod@lomedia.no
Publisert Sist oppdatert

JOBB

Dette seier lova

Likebehandlingsprinsippet er nedfelt i arbeidsmiljølova og denne paragrafen:

«Paragraf 14-12 a. Likebehandling av lønns- og arbeidsvilkår ved utleie fra bemanningsforetak

(1) Bemanningsforetaket skal sørge for at utleid arbeidstaker minst sikres de vilkår som ville kommet til anvendelse dersom arbeidstaker hadde vært ansatt hos innleier for å utføre samme arbeid, når det gjelder:

a) arbeidstidens lengde og plassering,

b) overtidsarbeid,

c) varighet og plassering av pauser og hvileperioder,

d) nattarbeid,

e) feriefritid, feriepenger, fridager og godtgjøring på slike dager, og

f) lønn og utgiftsdekning.

(2) Arbeidstaker som blir leid ut, skal ha samme tilgang til felles goder og tjenester hos innleier som virksomhetens egne arbeidstakere, med mindre objektive grunner tilsier noe annet.»

I forarbeidet til lova står det:

«Når det gjelder spørsmålet om likebehandlingen også skal omfatte lønn i samsvar med bonusprogrammer og lignende som gjelder ved innleievirksomheten, er det vanskelig å gi et ubetinget svar. Det avgjørende vil også her være om vedkommende ville ha krav på den aktuelle bonusen ved en direkte ansettelse hos innleier, sett hen til type arbeid, varighet av oppdraget/arbeidet o.l»

Kjelde: Arbeidsmiljølova, Industri Energi

Stavanger tingrett slår fast at bonus er løn og dermed omfatta av lova om likebehandling av innleigde arbeidstakarar, opplyser forbundet Industri Energi.

På vegner av to medlemmer gjekk Industri Energi til sak mot bemanningsbyrået Semco Maritime og NHO med krav om etterbetaling av bonus – noko dei fekk medhald i.

• Her er endringene i arbeidsmiljøloven som skal gjøre innleie vanskeligere

Mindre attraktivt med innleige

Industri Energi meiner dommen sikrar at tilsettingsform ikkje skal ha betydning for avløning. I tillegg meiner forbundet at dommen vil få stor betydning for framtidig innleige i selskap med bonusprogram for fast tilsette.

– Det gjer at det vil vere mindre attraktivt for bedriftene å bruke innleigd arbeidskraft, noko som støttar lova si intensjon om at faste tilsettingar skal vere hovudregelen, seier advokat Karianne Rettedal i Industri Energi i ei pressemelding.

• – Regjeringen har lidd smertelige tap i arbeidslivsspørsmål i vår. Det kom ikke av seg selv

Forskjell på bonusordningar?

Dei to medlemmene var utleigd frå bemanningsbyrået til Aker BP, som har ei bonusordning for sine tilsette. Då dei kravde den same bonusen som fast tilsette, avviste selskapet kravet, opplyser Industri Energi.

Striden gjekk til Stavanger tingrett, som skulle avgjere om bonusen er løn for arbeid eller ikkje.

Etter Industri Energi sitt syn fell bonusordninga inn under innleigde sin lovfesta rett til likebehandling av løns- og arbeidsvilkår (sjå faktaboks). Bemanningsbyrået og NHO sitt syn var at det er forskjell på individuelle bonusar og selskapsbonus, der førstnemnde blir gitt for arbeidsinnsats, medan sistnemnde er knytt til overskot i bedrifta.

Det er enno ikkje klart om dommen blir anka.

• På denne byggeplassen er 90 prosent av elektrikerne innleide fra bemanningsbyråer

forside nyheter

Flere saker

Powered by Labrador CMS